Zuhra Mamma, Zohra :

Tlul ass n 17  duǧember 1961 di taddart n Ugemmun, taγiwant n Larebεa n At Yiraten.

Teḥbes almud-is deg uγerbaz alemmas. Tezweǧ di leεmer-is 17 iseggasen γer Tizi-Wuzzu.

Deg useggas 1983, tessufeγ-d tasfift tamezwarut i mumi tsemma : « Ttxil-k a ṭṭaleb aru-yi ». Syin akin, tessufeγ-d snt tesfifin umu tsemma « Ayen ayen » awk d « Iruḥ iruḥ tewwi-t lγerba ».

Tunag γer Fransa deg ussegas n 1990 tedda d wergaz-is. Din di lγerba i d-yewweḍ lajel-is, tewweḍ leεfu n Rebbi ass 9 yennayer 1995 di Paris.

Teǧǧa-d tisfifin-is deg wanda tcennu γef zzher, γef lmektub , γef lγerba, γef wayen akk icudden γer tmeṭṭut, ladγa taneṭṭuṭ taqbaylit.

Tenna-d deg usefru-s :

« A lwerd yefsan, alwerd yefsan, amek i yi-xedmen wussan,
                alwerd yefsan, alwerd yefsan, d asfru-yagi i k-id-yesmektan »